Kesengsem

Srengengene nembe wae wungu

Di kancani dening mega kang endah ugi edipeni

Disambut dening swara manuk-manuk kang harsana

Esuk iki awang-awang katon sumringah

Nyitraake sliramu kang kagambar cetha ing panggalihku

Pasuryanmu katon cetha digambar dening mega

Esemmu kang pait madu

Pakulitanmu kang mbengle keris

Lan pasuryanmu kang bagus

Kadya Kamajaya

Sliramu wus gawe mekare manahku

Kesengsem, seneng girang

Terusa ning kene

Ngancani aku

Dadia rembulan ing ratriku

Dadia baskara ing rinaku

Kareben lengkap gesangku

KAGEM BIYUNG

Biyung…

Maturnuwun

Panjenengan sampun kersa ngandhut kula

Sampun nglairaken kula

Sampun ngrumat kula

Wiwit kula ora bisa manapa-napa ngantos saiki

Panjenengan sampun paring tresna kinasih

Wejangan lan kawruh kanthi ikhlas

Maturnuwun sanget biyung 

Biyung…

Kula nyuwun ngapura

Sampun gawe rekasa panjenengan

Sampun ndamel panjenengan duka

Sampun gawe sedhih panjenengan

Dereng saged ndamel panjenengan harsana

Dereng saged mbales tresna kinasihipun panjenengan

Kula nyuwun pangapunten biyung

Nanging…

Anuju sawijining dina mangke

Kula bakal ndamel panjenengan harsana

Bakal ndamel panjenengan bangga

Margi kula

SRENGENGENE WIS SUMRINGAH

Dina wingi…

Awang-awang peteng lelimengan

Tan ana sunare surya

Margi katutup dening jaladara

Kalangan udan riris

Dina iki…

Jawah maruta dina wingi wis musna

Kaganti dening sunare surya

Sunar kang madangi loka

Kang ndamel pelangi endah

Ning langit padang jingglang

Lir kahananku

Sing seneng bungah

Sawise adus luh, udan tangis

Aku wis bisa uwal

Saka tatu nalaku

Margi panjenengan

Paring kinasih

Awit manahku tatu marga dheweke

WURU RINDHU

Aku wis ora mangerteni

Dunungmu ngendi saiki

Awit sliramu ora menehi warti

Dak takoni ora mangsuli

Apa sliramu wis lali

Karo aku sing kok tresnani

Apa sliramu wis lali

Amarga wis oleh ganti

Ana ngendi sira saiki

Apa isih eling karo aku iki

Apa sira nyumurupi

Kahananku ing mriki

Enggala bali

Tekamu dak antu

Panggalihku wuru rindhu

Siramu sing dak tresnani